YANGA YATEUA KAMATI YA MABADILIKO IKIONGOZWA NA ALEX MGONGOLWA

Katibu Mkuu wa Yanga, Boniface Mkwasa

Na Zainab Nyamka, Globu ya Jamii.

Klabu ya Yanga imeuanza rasmi mchakato wa mabadiliko ya mfumo wa uendeshaji kwa kumteua Wakili Alex Mgongolwa kuwa Mwenyekiti wa kamati ya Mabadiliko ya mfumo wa uendeshaji wa klabu hiyo..

Mgongolwa atasaidiwa na wajumbe watano ambao ni Mheshimiwa Said Mecky Sadick, Profesa Mgongo Fimbo, Felix Mrema, George Fumbuka na Mohammed Nyengi.

Kamati hiyo imetangazwa leo Ijumaa na Katibu Mkuu wa klabu ya Yanga, Boniface Mkwasa ikiwa ni siku chache tu tangu watani wao Simba kupitisha mchakato huo na kumpata mwekezaji ambaye alishinda zabuni hiyo.

Yanga wao wamefuata Katiba yao ya mwaka 2010 inayoelekeza kuwa mwekezaji ni lazima awe na asilimia 49 na 51 ziwe za wanachama kwa maana ya klabu kama serikali ilivyofanya mabadiliko ya Katiba katika kipengele cha mfumo wa uendeshaji wa Hisa.

Mbali na hilo Kamati ya utendaji ya klabu ya Yanga iliyokukutana jana hii tarehe 21/12/2017 makao makuu ya klabu hiyo katika kikao maalumu,imeteua majina 28 ya wanachama kuunda kamati mpya ya mashindano.

Katika uteuzi huo,Hussein Nyika ameteuliwa kuwa mwenyekiti,Musatapha Ulungo,makamu mwenyekiti na Samuel Lukumay ameteuliwa kuwa katibu wa kamati hiyo.

Wajumbe wengine ni;

1.Omary Chuma

2.Hussein Ndama

3.Majid Suleiman

4.Mussa Katabaro

5.Yusuphed Mhandeni

6.Beda Tindwa

7.Jackson Maagi

8.Lameck Nyambaya

9.Nicko Meela

10.Edward Urio

11.Rogers Gumbo

12.Edigar Mutani

13.Shija Richard

14.Sanga Kayanda

15.Hamad Islam

16.Pascal Kihanga

17.Isiaka Sengo

18.Bahati Mwaseba

19.Rashid Msinde

20.Khalfani H.Kigwelembe

21.Yanga Makanga

22.Rogers Lamlembe

23.Leonald Chigango

Kwa mujibu wa taarifa iliyotumwa kwa waandishi wa Habari inaeleza kwamba majina ya wajumbe wengine wawili pamoja na matatu ya walezi na washauri wa kamati hiyo yatatangazwa baadae.